SECTIONS
Superbalita Davao
Wednesday, September 22, 2021
SUPERBALITA DAVAO

Liga ng mga Barangay misaad og tiunay suporta kang Mayor Sara

DAVAO. Makita sa Kapitan Edgar Ibuyan Sr., diin ilang gitarong ang kurti sa hulagway ni Mayor Sara Duterte atol sa ilang motorcade sa Davao City padung sa Montevista sa Davao de Oro niadtong Sababo. (Jeepy P. Compio)

MIPASALIG na ang mga miyembro sa Liga ng mga Barangay sa Pilipinas nga mohatag og tibuok suporta kang Davao City Mayor Sara Duterte-Carpio ug paningkamotan nga mas mapadasig pa si Mayor Sara aron modagan kini sa pagka-pangulo sa nasud karong 2022 national elections.

Kini ang gibutyag ni Liga ng mga Barangay President ug Vice Chairman for Mindanao sa Ituloy ang Pagbabago Movement (IPM) 2022, Kapitan Edgar Ibuyan Sr.

Atol sa ambush interview kang Ibuyan una sila mipadung sa Montevista, Davao de Oro niadtong Sabado, Hulyo 31, 2021, alang sa Lipad Agila Lipad Grand Launch Caravan, gibutyag niini nga iya nang nahan-ay ang tanang miyembro sa Liga ng mga Barangay sa nasud diin sila nagpasalig og suporta.

"Yes, lahat ng mga miyembro sa Liga ng mga Barangay sa buong Pilipinas ay nangangako na na sila ay susuporta kay Mayor Inday, okay na ang lahat," tipik sa gisulti ni Ibuyan.

Dugang sa opisyal nga eksayted na sila nga molansad si Mayor Sara uban sa pasalig niini nga sa bulan sa Oktubre mahibal-an sa publiko ang iyang desisyon.

Niadtong Sabado natigayon ang Grand Launch Caravan sa IPM2022 Davao Region nga gitambungan sa daghang mga representante sa nagkadaiyang kasiyudaran ug munisipalidad kinsa nag-convoy diha sa ilang motorcade padung sa Montevista Sports Complex.

Sa usa ka hamubo nga programa dunay mga mamumulong diha sa paghatag og dugang pagdasig aron ang tanan mahiusa sa tumong nga suportahan si Mayor Sara.

Napatuman hinuon ang mga health protocols batok Covid-19 diin ang mga representante wala nanggawas sa ilang mga sakyanan.

Gilauman nga ang sunod nga caravan natigayon sa Caraga Region. (Jeepy P. Compio)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph