NAPUPOS ang paglaom sa Gilas Pilipinas nga makasulod sa finals human sila giusban pagbuntog sa host Jordan-A, 84-74, kagahapon, Agusto 1, 2021 (RP time) sa King Abdullah Cup semifinals sa Prince Hamza Hall sa Amman.
Sa pagpangulo ni naturalized player Ange Kouame, ang Gilas Pilipinas ning-aksyon pagbangon gikan sa 15 puntos nga pagkalubong apan wala sila nakalahutay.
Napahak sa Gilas Pilipinas ang labaw sa Jordan A ngadto sa upat na lang ka mga puntos, 72-68, sa nahabiling 3:24 minutos.
Apan human niini, ningsutoy og balik ang opensa sa Jordan A pinaagi sa 12-6 run nga maoy naghatag kanila sa kadaugan.
Sa sunod nilang tahas, ang Gilas Pilipinas makigbatok og balik sa African powerhouse Tunisia alang sa inilugay sa ikatulong dapit.
Puntos matag usa:
Jordan A (84) - Al Dwairi 19, Forte 19, Mustafa 17, Abu Hawwas 14, Bzai 9, Alhamarsheh 3, Abbas 3.
Gilas Pilipinas (74) - Kouame 20, Heading 9, Ravena 8, Ildefonso 8, Ramos 6, Belangel 6, Tamayo 6, Baltazar 5, Go 4, Ma. Nieto 2, Suerte 0, Chiu 0. Quarters: 28-15, 44-34, 63-56, 84-74. (ESL)