SECTIONS
Superbalita Cebu
Saturday, September 18, 2021
SUPERBALITA CEBU

24/7 pagpanakop sa molapas sa health protocol

■ ROVING: Aron hugot nga mapatuman ang curfew, ang kapulisan kanunay nang nag-roving aron pagpahinumdom sa publiko sa bag-oras sa curfew sa Cebu City nga inay magsugod sa alas 11 sa gabii, giatras kini ngadto sa alas 10 sa gabii. / Amper Campaña

NIPAHIMANGNO sa publiko ang Cebu City Prevention, Restoration, Order, Beautification and Enhancement (Probe) team nga 24/7 silang manakop sa mga tawo nga molapas sa minimum health protocol gikan sa Agusto 1 ngadto sa Agusto 15, 2021.

Bisan sa lugak nga pagpatuman sa modified enhanced community quarantine (MECQ) sa Dakbayan sa Sugbo, diin ang paglihok ug transportasyon wa maapektuhi, ang Probe manakop sa mga tawo nga molapas sa mga quarantine protocol.

Matod ni Probe chief Raquel Arce, ilang estriktong ipatuman ang stay-at-home policy sa mga senior citizen nga nag-edad og 65 anyos pataas ug minors bisan kon si Mayor Michael Rama wa moluwat og executive order alang sa paglatid sa guidelines sa quarantine status

.

Gibutyag ni Arce nga ilang gibahin ang Cebu City Covid Action Team ngadto sa duha, tag usa sa norte ug habagatan.

Matag team, gilangkuban sa 14 ka personnel gikan sa Cebu City Transportation Office, Cebu Environmental Sanitation and Enforcement Team, Cebu City Anti-Mendicancy Team, Task Force Kasaligan, Bantay Dagat, Philippine National Police ug Probe team, dugang ni Arce.

Duna say mga personnel nga nagbantay sa mga tawo sulod sa mga merkado aron maseguro ang pagsunod sa health standards.

Sa Dominggo nga operasyon, si Arce niingon nga sagad sa mga nakalapas mga senior citizen ug menor. Wa sila dakpa apan gitambagan nga magpabilin sa balay.

Nakadakop sila og 10 ka mga tawo nga nakalapas sa anti-smoking ordinance ug wa pagsul-ob og face mask.

Samtang, 194 ka mga tawo, nga gilangkuban sa 172 ka hamtong ug 22 ka menor ang nasikop sa upat ka mga police station sa Cebu City Police Office (CCPO) tungod sa paglapas sa curfew ug health protocol.

Ang Police Station 5 nakadakop og 38; Station 6, 25; Station 2, 22; ug Station 4, 22./(MVE, dugang taho ni AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!