SECTIONS
Superbalita Cebu
Saturday, September 25, 2021
SUPERBALITA CEBU

Barrita: Proof of life

ANG proof of life maoy pruweba nga buhi pa ang usa ka tawo. Sa mga kaso sa kidnap for ransom, ang unang pangayuon sa negotiator gikan sa kidnapper mao ang proof of life, sama sa hulagway sa biktima nga nagkupot og newspaper nianang adlawa.

Ang pagpangayo og proof of life magpasabot ngadto sa kidnapper nga importante ang kinabuhi sa ilang gibihag. Di sama sa bana nga nawad-an og asawa. Nagpasibya siya sa radyo, “Alang sa makakita sa akong asawa. Tambukon to siya, medyo budlat og mata, lisngag og ilong, budlot og simod. Palihug lang, kon inyong makit-an, ayaw na intawon iuli nako. Daghan kaayong salamat.”

Tingali gipul-an na si Cebu City Mayor Edgardo Labella sa mga huhungihong nga namatay na siya. Gi-post niya sa Facebook niadtong Sabado ang iyang hulagway nga dunay kopya sa lokal nga pamantalaan nga penetsahan og Hulyo 31, 2021.

Matod pa sa mayor, “Maayong buntag! I would like to inform everyone na I’m alive and doing well. Kini tungod sa tanan mga nag-ampo ug nagpadayag sa ilang pagsuporta. Daghan kaayong salamat ug mag-amping kitang tanan.”

Basin ang proof of life ni Labella makapawagtang sa kabalaka ni Acting Cebu City Mayor Mike Rama. Apan makapahunong kaha kini sa nagpakatap sa rumors nga matod pa ni Cebu City Administrator Floro Casas Jr., “gusto tingali na sila mamatay si Mayor”?

Matod ni Casas, hayan nga makagawas na sa hospital si Mayor Labella karong semanaha. Nagpangita na siya sa iyang mga paboritong pagkaon, matod pa niya. Gani si Atty. Maru Salvatiera, ang iyang chief of staff, nagpadala sa mayor sa iyang paboritong bakasi niadtong Sabado.

Nag-leave og tulo ka adlaw ang mayor sukad sa Mayo 31 kay naospital tungod sa “slight pneumonia.” Laing tulo ka adlaw nga leave sugod sa Hunyo 9 tungod sa sepsis ug three-day leave sugod sa Hulyo 14 tungod sa ubo.

Taas og lanat ang katapusang leave mao nga nikatap sa social media ang hungihong nga namatay siya. Karon nga nagpakita siya og proof of life, naa pa gyuy nangutana, “Wa lagi niya kupti ang newspaper? Gitabonan lagi iyang lawas?”


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!