Dear Papa Joe,
Good day nimo diha. Nagpadala kog suwat tampo para patambagan ang nakahasol nako karong mga panahona. Tawga lang kog Jericho, 25 years old na pero birhen pa. Wala pa gyud ko makatilaw anang giingon nimong nilapaay sa leon ug karnero. Unsaon nga dili man mosugot akong uyab.
Yes, duna koy girlfriend ug 3 years na among relasyon. Kadaghan na ko sigeg hangyo niya aning butanga pero dili gyud siya mosugot. I know nga love ko niya pero ambot mahadlok lang gyud siguro siya anang pre-marital sex. Lalake ko ug siyempre gusto pod ko motilaw anang mga butanga. Dihay time nga hapit na ko matintal sa laing babaye nga naibog kaayo nako pero dili man pod nako love.
Para nimo okay lang kaha nga motilaw ko sa lain bisan dili nako uyab para lang gyud maka-experience ko? Unsa man sab kahay bation sa akong uyab kon makahibawo siya? Palihug tambagi ko.
JERICHO
Dear Jericho,
Sa imong pangutana nga unsay bation sa imong uyab ko makahibawong nga nitilaw kag lain. Siyempre masuko siya ug posibleng buwagan ka ug mawala siya nimo. Duna lang koy pangutana nimo, dili ba gyud ka makahuwat kon kanus-a niya ihatag? Sa uyab-uyab, dapat ba gyud nga dunay pre-marital sex?
Dili ko magpaka hipokrito nga moingon nimong dapat ang nilapaay mahitabo sa inyong first night gyud after sa inyong kasal. Mahitungod anang butanga, dapat mutual understanding ninyong duha. Dapat naay pagtugot niya.
Now, kon dili gyud nimo kayang magpaabot kay lagi gutom na kaayong leon, naa ra gyud na nimo, mamili ka ang imong uyab nga love kaayo nimo or ang lapaunon nga karnero nga dili nimo uyab? Nia pay pinakamaayong solusyon sa imong problema, pakasli imong uyab. Basin mao ra nay iyang gipaabot ang kasal para makasiguro siya. Daghang salamat.
PAPA JOE
(Kon kamo dunay problema, ipadala sa papajoecebu@gmail.com)