APAN mga ginikanan ug mga tig-atiman, pagbantay kamo. Ang subra nga pagkaon og tam-is ug mantikaon makapatambok.
Kini ang dayag nga risgo nga hinungdan sa paglambo sa Type II Diabetes, usa ka kondisyon nga kon molahutay mahimong hinungdan sa pagkabuta, stroke, ug bisan sa pagkapungkol.
Kapil-un ug makatulo ang kadaghanon sa mga obese nga bata sa Pilipinas kon itande sa miaging kinse ka tuig.
Duha sa mga nag-unang rason mao ang dili pag ehersisyo tungod sa nauso nga paggamit sa smartphone ug ang sigeg pakaon og processed foods. Ang processed food naglakip sa candy, chips, soft drinks, desserts sama sa cake, ice cream ug fast food.
Busa, kinahanglan nga magbalantayun ang mga ginikanan nga masiguro nga ang mga tiguwang nga sakop sa pamilya ug kabanay malikay sa subra og pasagad nga pagpakaon sa ilang mga bata sa dili maayo ug makadaot nga pagkaon.
Walay tambal ang diabetes. Dinhi sa Pilipinas, mao kini ang ikaunom nga hinungdan sa kamatayon. Apan wa kini nagpasabot nga usa kini ka silot. Kon ang imong bata subra sa timbang o nay risgo nga molambo ang kondisyon sa pagkatambok, ang unang lakang ngadto sa mas himsog nga kinabuhi mao ang hingpit nga pagbiya sa junk foods.
Ang mga bata gi tambagan nga mas mahimong aktibo ug mag-ehersisyo. Alang sa mga masuso, ang pagpatutoy maoy labing maayong pamaagi sa pagpanalipod sa diabetes ug obesity sa bata ug ang pagpangayo ug giya sa pediatrician sa paghunong sa sobrang pagpakaon.
Karon, unsaon sa pagkahibalo kung ang imong bata adunay diabetes?
Sa Type II Diabetes, usa sa mga timailhan gawas sa pagpanambok mao ang kanunay nga pagkauhaw ug sigeg pagpangihi.
Apan ang labing maayo nga pagpakisayod mao ang pagkonsulta sa imong doctor ug pagkuha og blood sugar tests.
Ang Hi-Precision Diagnostics Cebu dunay duha ka sugar tests aron pagtabang kanimo nga masayod kung ikaw ug ang bata naa sa risgo sa diabetes, o pagsubay sa panglawas sa pasyente nga naay diabetes.
Ang Fasting Blood Sugar o FBS test magpakita sa sugar level sa imong dugo sa miaging tulo ka adlaw. And Hba1c test mohatag sa kompletong record sa imong sugar levels sa miaging tulo ka buwan.
Ang duha ka tests bililhon kaayo sa pag-analisar sa imong doctor ug kini anaa sa tanang sanga sa HPD-Cebu.
Sa dugang pagpakisayod sa imong diabetes ug blood sugar tests, bisita sa Hi-Precision Diagnostics Cebu sa Facebook o kontaka pinaagi sa mosunod: Landline - 888 2222, Viber/Cellphone - 0917 770 3638. (Sponsored Content)