Bisan og wa pay gold medal nga naangkon si Pinay boxer Nesthy Petecio sa Tokyo Olympics, usa na ka pribadong kompaniya ang misaad og house and lot ngadto kaniya.
Sa post sa ilang Facebook Page, ang Ovialand, usa ka dakong real estate company nagkanayon, “We’d like to punch in our homecoming gift to our champion with a brand new house and lot for her to come home to!”
Ang maong propreyidad, nga anaa nahimutang sa Calendaria, Quezon City, matod pa nga mokantidad og P2.5 million.
Ang Ovialand usa ka subsidiary sa Malate Construction and Development Corporation nga nagsugod sa pag-ugmad og mga low-cost housing sukad pa sa 1986.
Si Petecio, 29, mosuway paglangkat og gold medal sa kompetisyon karong alas 12:05 sa udto, Agusto 3, 2021 (RP time) batok kang Sena Irie sa host Japan sa final round sa women’s featherweight division. (JBM)