WAY AIRCON: Si Gobernador Gwendolyn Garcia mihangyo sa mga bus nga mamiyahe sa lalawigan sa Sugbo sa di pagpaandar sa ilang aircondition samtang naa pa ang hulga sa coronavirus disease 2019. Ang gobernador moluwat pa og executive order alang niini. / (File)
WAY AIRCON: Si Gobernador Gwendolyn Garcia mihangyo sa mga bus nga mamiyahe sa lalawigan sa Sugbo sa di pagpaandar sa ilang aircondition samtang naa pa ang hulga sa coronavirus disease 2019. Ang gobernador moluwat pa og executive order alang niini. / (File)

Restos, bus gihangyong di mag-aircon

Gimandoan ni Cebu Governor Gwendolyn Garcia ang tanan nga mga mga restaurants o kan-anan nga airconditioned nga dili na mahimo ang pag dine-in.

Gawas sa mga kan-anan, iyang gimandoan ang tanan nga mga bus ug minibus nga mobiyahe sa Lalawigan sa Sugbo nga dili na mogamit og aircondition.

Kini maoy gipahibawo ni Garcia atol sa press conference sa Kapitolyo sa Agusto 2, 2021 agi og pagpugong sa mga kaso sa coronavirus disease 2019 (Covid-19).

“I am not going to allow indoor dining kung kini aircon... Giawhag nato ang atong tanan kan-anan, tanan nga mga establishments nga nag-serve og pagkaon. As much as possible, adopt. Ibutang inyong lamesa ug mga lingkoranan alang sa inyong guests sa gawas,” matod ni Garcia.

Ang mando nahisubay sa padayon nga pagsaka sa mga kaso sa Covid-19 sa Sugbo ug ang pagpailawom sa lalawigan sa general community quarantine (GCQ) ubos sa hightened nga restrictions gikan sa Agusto 1-15.

Apan epektibo lang ang kamandoan kon moluwat na si Garcia sa executive order (EO) alang niini.

Subay niini, gitugotan lang ang 30 porsyento nga kapasidad sa mga kustomer apan kinahanglan nga ipagawas ang mga lamesa ug lingkoranan aron malikay sa risgo sa pagtakod sa kagaw sulod sa kan-anan.

Alang sa mga restaurants ug fastfood chains nga sagad mogamit og aircondition, mahimo nga mag online delivery lang una.

“For fast food chains, nga sirado gyud kaayo, online ordering lang usa mo. Or you can adopt. You can put your chairs and tables outside,” matod ni Garcia.

Gawas sa mga kan-anan, gimandoan usab ang tanan nga bus ug minibus nga mobiyahe sa Lalawigan sa Sugbo nga dili na mogamit og airconditioner.

Gikinahanglan nga ablihan ang tanan nga mga bintana aron malikayan ang dali nga pagtakboy sa kagaw sa mga pasahero.

“We will be meeting with the bus operators, especially those who operate with airconditioned buses. Because I will have to revert what I signed before, EO (executive order) No. 5, dated March 26, 2020, and this referred to, as much as possible, not to use airconditioning in public transport. I cannot overemphasize the importance of proper ventilation,” matod ni Garcia.

Tungod niini gimando ni Garcia ang estriktong pagpatuman sa health protocols sulod sa mga kan-anan ug pampublikong sakyanan.

Sama na sa pag sul-ob og mask ug pagsiguro nga nag distansya kini sa uban.

Ang kapulisan sa Lalawigan sa Sugbo gimandoan usab sa gobernador sa pag-abag sa pag monitor sa kalungsoran nga masunod ang tanang mga lagda sa Probinsya.

Related Stories

No stories found.
SunStar Publishing Inc.
www.sunstar.com.ph