SECTIONS
Superbalita Cebu
Saturday, September 25, 2021
SUPERBALITA CEBU

Zamboanga sud sa semis 2nd phase

Ang beterano ug kanhi PBA player nga si Mac Cardona nga mi-react human makapasulod sa free throws sa ilang duwa batok sa Clarin. (Hulagway iya sa VisMin Cup)

Gipamatud-an sa Zamboanga City JPS MLV nga dili taghap ang ilang unang kadaugan batok sa second-seed Clarin pinaagi sa pagkulit og 95-93 nga kadaugan sa Game Two sa first phase sa Chooks-to-Go Pilipinas VisMin Super Cup best-of-three semis, Lunes, Hulyo 2, 2021.

Ang panaghugpong nila ni Mac Cardona ug Fran Yu sa krusyal nga mga minutos maoy nahimong mahait nga hinagiban aron haruson pagdaog sa Zamboanga ang series sa Pagadian City Gymnasium.

Si Yu mipakatap og 21 puntos lakip na niini ang 15 sa fourth ug sa overtime period nga gilamasan og walo ka assists, upat ka rebounds ug tulo ka steals.

Samtang si Cordona, sa iyang bahin, mitapos sa duwa nga may 16 puntos, tulo ka rebounds ug tulo ka steals.

Sa katapusang 1:27 sa duwa, ang layup sa gitawag og Captain Hook maoy naghatag og tres puntos nga labaw sa JPS.

“Si Mac, to be honest, he was on a slump. Pero ngayon nabuhayan siya against Clarin and that’s a good thing for us. Si Fran naman, I really admire that boy despite being the youngest on the team.,” padayag ni headcoach Tony Pardo sa Zamboanga ni co-owner Junnie Navarro.

Na-fouled out man tuod si Jerwin Gaco sa nahabiling 1:30 segundos sa regulation period apan nakapupo gihapon kini og 13 puntos ug pito ka rebounds.

Si Aaron Jeruta may 12 puntos, unom ka rebounds ug upat ka assists.

Nangulo sa napukan nga Clarin si Carlo Lastimosa nga may 25 puntos samtang si John Wilzon kinsa maoy nakapa overtime sa duwa pinaagi sa iyang tres mihipos usab og 23.

Ikasangka sa Zamboanga City JPS ang Roxas Vanguards sa second phase sa semifinal round.

Puntos matag usa:

Zamboanga City (95) – Yu 21, Cardona 16, Gaco 13, Jeruta 12, Belencion 11, Espinas 10, Lingganay 6, Neypes 3, Ferrer 3. Clarin (93) – Lastimosa 25, Wilson 23, Eriobu 20, Raymundo 10, Mangahas 7, Baetiong 4, Palattao 2, Hayes 2. (JBM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!