DCPO nanghakot og pasidungog

Hulagway gikan sa DCPO
Hulagway gikan sa DCPO

GIPASIGARBO karon sa pamunoan sa Davao City Police Office (DCPO) sanglit usa lamang sila sa daghang mga buhatan sa kapulisan lukop nasud ang nakadawat og mga pasidungog atol sa ika-26th Police Community Relations Month.

Sa hamubo nga Culminating Award Ceremony nga gihimo sa Police Regional Office (PRO)-Davao sa Camp Sgt. Quintin M Merecido sa Buhangin, Davao City, midawat og daghang pasidungog ang DCPO ug pipila ka personalidad gikan sa 12 ka mga istasyon niini.

Nakuha sa DCPO ang Best Police Community Relation Unit, Social Media Champion, Best PCR PNCO nga si Police Corporal Mary Grace Acabo ug 3rd Place Short Film Category - Momoy by Sambunotan Youth Organization (KKDAT Marilog).

Mismong si PRO-Davao Director Filmore Escobal ang mitunol sa mga awards ngadto kang DCPO Director Police Colonel Kirby John Kraft sa seremonya alas 9 sa buntag niadtong Lunes, Agosto 2, 2021.

Garbo sab ni Kraft nga bisan pa man luyo sa pandemya, nahimo gayod sa iyang mga sakop ang walay kukahadlok ug mga risgo, makahatud lamang og serbisyo sa komunidad.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph