Dear Papa Joe,
Nakapadala na ko nimo og problem sa imong programa sa radio. Pero ambot og nabasa ba nimo.
Ako diay si Fred, 40 anyos, minyo. Tungod lagi sa sitwasyon karon nga grabe ang virus. Naaghat ko nga magpabakuna kay kinahanglan man sa among trabahuan. Karon pagkahibawo sa akong asawa ana kay di siya mosugot. Kon mopadayon daw ko kay makigbuwag siya nako. Hadlok ko basin matakdan ko og mas grabe na hinuon ang epekto ug maunsa ko.
Unsa may buhaton nako para ma kombinsi si Misis? Palihug tambagi ko.
FRED
Fred,
Una, sutaa una kon ngano ug unsay hinungdan nga mahadlok man siya nga bakunahan ha. Ikaduha, kon tan-aw nimo makatabang ninyo ang pagbakuna, i-explain nimo niya ang tinuod. Manan-aw mo og mga balita nga reliable ang source o magpakonsulta mo sa doktor kay sa magsige mo og tan-aw anang post sa social media nga way klaro ang source.
Kon tan-aw nimo makaayo, padayon. Kon di, imo nang desisyon.
PAPA JOE
(sa inyong tampo ipadala lang sa papajoesuperb@gmail.com)