Ang Land Transportation Franchising and Regulatory Board (LTFRB) 7 nipahibawo sa tanang mga drayber og awto sa pagbukas sa mga bentana sa ilang gimaneho og mga duha ka inches.
Ang Board, sa Lunes, Agusto 2, 2021, niluwat og guidelines alang sa tukmang ventilation sulod sa public utility vehicles (PUVs) taliwa sa Covid-19 pandemic.
Ang gipasabot mao ang mga awto nga pasaheroan nga dunay upat ka mga pultahan ug lahi nga trunk.
Mga driver sa mga bus ug modernized public utility jeepneys nga dunay mga bentana kinahanglang mobukas sa ilang mga pultahan.
Drivers sa bisan unsang PUVs mahimo usab nga mopawong sa ilang air conditioning sa mga sakyanan ug buksan ang tanang bentana o pultahan sa transportation units.
Si Dr. Mary Jean Loreche, Department of Health (DOH) 7 chief pathologist, nikutlo sa interview ni Prof. Raina MacIntyre, ekspeto sa infectious disease outbreak sa Guardian Australia, nga nipasabot nga ang bentilasyon mahinungdanon sa pagpakiggubat batok sa Delta variant kun B.1.617.2.
Matod ni Loreche nga ang Covid particles makalutaw lutaw sa kahanginan sulod sa 16 ka oras nga nagpasabot nga ang ventilation mahinungdanon.
“In an indoor space where ventilation isn’t adequate, somebody with the infection could have come and gone, but the virus is still lingering in the air. So, if you walk through that area and you breath that air, you could get infected,” matod ni Loreche nga nikutlo kang MacIntyre.
Nitambag usab si Loreche sa mga tawo nga mopasulod og laing mga tawo sa ilang balay sa pagbukas sa mga bentana, mao usab sa mga tawo nga magmaneho sa sakyanan.
“Air conditioned areas is not the norm anymore, but the al fresco is,” siya niingon samtang nagpahinumdom sa publiko sa hustong pagsul-ob facemasks. (WBS)