Dihang gugma ang mipatigbabaw

Samag pelikula ang paghulagway sa kapulisan sa love story sa usa ka lolo nga nakigbalik sa iyang asawa nga nitigbas kaniya.

Si Alvino Villamente, 73, wa modayon sa pagpasaka og kasong frustrated murder batok sa iyang asawa nga si Anita Luisa, 74, tungod sa hangyo sa ilang walo ka mga anak.

Nagsige pa og hangyo ug kiss ni Anita sa iyang bana sa pagpadayag sa iyang gugma sa subli nilang panag-abot sa police station.

Si Alvino samdan sa ulo ug kalawasan human gitigbas ni Anita Luisa niadtong Dominggo sa hapon, Agusto 1, sa Barangay Manlagtang, lungsod sa Tabogon, amihanang Sugbo.

Si Police Corporal Ian Gecite, imbestigador sa Tabogon Police Station nga nahinabi sa Superbalita Cebu, nagkanayon nga midusog affidavit nga di na siya interisadong mosapaka og kaso.

Naluoy Alvino sa iyang asawa hinungdan nga iyang gipasaylo sa Martes sa buntag nga gisaksihan sa kapulisan ug mga anak.

“Amo.na unta i-inquest si Lola kay andam na ang papeles, nausab man iyang decision. Sige kiss-kiss si Lola, love daw kaayo niya,” dugang ni Gecite.

Gumikan niini, nalumoy ang kasingkasing ni Alvino, gipasaylo si Anita ug namauli uban sa ilang mga anak.

Matod ni Gecite nga si Anita niangkon sa kremin ug nangayog pasaylo sa bana sa iyang nahimo.

“Gusto nako unsa among gipanumpaan sa among pagkabatan-on amo ipadayon, mag-uban hangtud sa hangtod,” dugang ni Anita nga nisaysay sa kapulisan.

Gipadayag ni Anita nga iyang gidala ang mga hinagiban aron ikapamatuod kang Alvino nga seryuso siya sa pagpakigbalik.

Apan dihang nibalibad nga makig-uli kaniya, siya napungot maong iyang gitigbas kay inig mamatay, motupad siya ug magpakamatay.

Ang walo nila ka mga anak niabag sab sa duha nga magkabalik.

Si Anita nipahiyom human nisugot si Alvino nga magbalik sila ug manguli sa yutang natawhan sa lungsod sa Dalaguete, habagatang Sugbo.

Giklaro ni Gecite nga selosa kaayo si Anita ug maldita.

Giangkon sab ni Anita nga gimingaw sab kaayo siya ni Alivino human sila magkabuwag. (GPL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph