Giangkon ni Cebu Governor Gwendolyn Garcia nga wa pa siya mabakunahi batok sa Covid-19.
Matod pa sa gobernador atol sa press conference sa Kapitolyo, kagahapon, Agosto 3 nga magpabakuna siya sa tukmang panahon.
Siya mipasabot nga mas maayo nga ipatuman nga hatagan og incentives ang mga indibidwal nga kompletong nabakunahan inay nga silotan.
Nagkanayon si Garcia nga tahuron ang desisyon sa mga Sugboanon ilabi na niadtong dili uyon magpabakuna.
“When I get vaccinated I will still speak up for the unvaccinated, mo- choose sila nga dili sila nga dili sila pa vaccinate. We should not punish them. Let it be an incentive for the vaccinated. There’s a difference,” matod pa ni Garcia.
Matod pa nga may katungod ang mga indibidwal sa pagdesisyon sa kaugalingon niining panglawas.
“As far as vaccination is concerned, let it be incentivized rather than punitive. What do I mean? It’s like, when you’re vaccinated, as incentives, you may not be required to undergo RT-PCR test, shorten your quarantine stay, and all of these other concessions once you get vaccinated,” dugang pa ni Gov. Garcia. (ANV)