SUPERBALITA CEBU

Ahong: Sec. Roque wa ma-update

Lapu-Lapu City Mayor Junard “Ahong” Chan. (File photo)

Gihulagway ni Lapu-Lapu City Mayor Junard “Ahong” Chan nga nauwahi lang sa paghatag og reaksyon si Secretary Harry Roque kalabot sa plano niyang pagdili niadtong wa mabakunahi nga makasulod sa mga establisimento sa dakbayan sugod sa Agosto 25.

Kini gumikan kay gitatang na ang naasoyng probisyon sa bag-o niya nga giluwatang Executive Order (EO 2021-041) sa dihang gipa-ubos sa Modified Enhanced Community Quarantine (MECQ) ang Lapu-Lapu City, gikan sa Agosto 1 ngadto na sa Agusto 15.

Gawas niini nakita na usab sa Mayor ang pagsanong sa mga Oponganon sa iyang panawagan nga magpabakuna.

Gani niadtong Agusto 2 moabot sa kapin 8,000 ka mga Oponganon ang nabakunahan sa unom ka vaccination site sa dakbayan.

Masaligon si Chan nga ang pagpabakuna maoy bugtong makapanalipod sa mga Oponganon batok sa Delta Variant sa Covid-19 nga gikatahong nakasulod na sa 10 ka barangay sa dakbayan.

Sa kinatibuk-an moabot na sa 93,188 ka mga indibidwal ang nabakunahan, 63,628 niini ang naturokan og first dose samtang 29,560 ang nakakompleto na sa second dose.

“Wala na kinahanglana in a sense nga ang ato panawagan gisanong na sa atong kaigsuonan grabe maka overwhelmed ang ila response very positive no need na ang Section 4 (sa miaging EO),” matod ni Chan. (GCM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!