SUPERBALITA CEBU

132 ka frontliners sa Metro Cebu na-Covid

132 ka frontliners sa Metro Cebu na-Covid. (File photo)

Moabot ngadto sa 132 ka medical frontliners ang nag-positibo sa coronavirus disease (Covid)-19 kinsa nagtrabaho sa mga ospital, medical clinic, facilities, offices, laboratories sa Metro Cebu.

Kini maoy gibutyag ni Cebu City Councilor Joel Garganera, deputy chief implementer sa Emergency Operation Center (EOC).

Ang maong mga frontliner, kinsa nabukahan na, ang gi-isolate lakip na ang ilang close contacts.

“Yes it’s a problem gyud. Last week one department of one hospital was locked down because of the said exposure,” butyag ni Garganera.

Si Garganera nagtuo nga dili 100 porsento nga nakuha sa mga frontliner ang maong virus sa lugar nga ilang gi-trabahoan.

“I believe the transmission happened not in the course of their work but in their private moments with other people or workers, labi na sa tingka-on kay dili baya ta mag mask, apilan pa gyud ug tabi sa kasawo og kaon,” asoy ni Garganera.

Matod niya, dili grabe ang ilang Covid kay nabukanahan naman sila.

Gumikan niini, subling nanawagan ang konsehal nga dili mokumpyansa ug kanunay magsul-ob sa mask gawas kon magkaon aron maluwas gikan sa pagtakod sa virus ilabi na nga padayon nga naghasi ang Delta variant.

Nasayran base sa talaan sa EOC sa buwan sa Hulyo, adunay 78 ka mga kinabuhi ang nakalas ug miabot na sa 943 ang namatay sukad pa sa miaging tuig gumikan sa maong virus.

LAPU-LAPU



Samtang ang pangulo sa Covid Response Team sa Dakbayan sa Lapu-Lapu, Nagiel Bañacia mipahibawo nga way nangasakit nga responder o frontiner sa dakbayan gumikan sa Covid-19.

Apan iyang gitug-an nga adunay tulo sa iyang mga sakop ang nakasinati ug Covid symptom sa miaging semana hinungdan nga gipaubos sila sa isolation.

Paglabay sa lima ka adlaw nawala ra usab ang ilang gipamate nga simptomas.

Nagkanayon si Bañacia nga pulos na sila nabakunahan batok sa Covid-19 nga posible nga wala kaayo sila magrabehi sa ilang gimulo sa lawas.

“Wala ta karon so far hasta sa mga nurse wala tay nahibaw-an kay og duna kita man ang una nga makabawo kay kita man maoy mo-respond ana or mokuha ana,” matod ni Bañacia.

NANGA-AYO NA



Way angayng kabalak-an ang mga Oponganon kalabot sa unang 19 ka kaso sa Delta variant nga natala sa dakbayan sa Lapu-Lapu.

Kini gumikan kay naka-recover na sila samtang ang mga contact niini pulos na usab gi-isolate ug naka recover na usab ang uban, butyag ni Bañacia.

Si Lapu-Lapu City Mayor Junard Chan una nang mipahibawo nga adunay presensiya sa Delta variant sa 10 ka barangay sa dakbayan nga gilangkuban sa Barangay Basak, Babag, Pusok, Pajo, Marigondon, Maribago, Bankal, Agus, Looc ug Mactan.

Ang maong mga barangay mao usab ang mga barangay nga taas ang kaso sa Covid-19.

Subli niyang panawagan sa mga Oponganon nga magpabakuna gayud batok sa Covid-19 aron dili magrabehan sa bisan unsa nga variant niini.

DUGANG NURSES



Ang Department of Health (DOH) 7 ang mopakatap og dugang work force ngadto sa mga pribadong ospital ug isolation centers sa Sugbo.

Si Dr. Jaime Bernadas, DOH 7 director miingon nga base sa ilang datos adunay 96 ka nurses ang gipang-deploy na sa mga privates hospitals ug isolation centers in Cebu.

Dugang pa sa opisyal nga nagkinahanglan sila og 400 ka registered nurses nga maka-abag sa mga ospital sa rehiyon aron nga mapalapdan ang ilang pagtubag niining nasinate nga pandemiya.

Gani, ilang nang gipahibawo ang DOH Central office nga nagkinahanglan pa sila og dugang suporta sa medical work force sa rehiyon.

Sa susamang kalambuan, 80 porsento na sa frontline health care workers sa rehiyon ang fully vaccinated.

Nagkanayon si Dr. Mary Jean Loreche, tigpamaba sa Visayas Covid-19 Vaccination Operations Center (VVOC) miingon nga sa 125,109 ka healthcare workers nga narehistro sa pagpabakuna base sa talaan sa Hunyo 22, 2021, adunay 125,109 (94.8 persento) ang naka-first dose samtang 107,394 ang naka-kompleto sa second dose.

Gawas niini, moabot ngadto sa 14,497 nga sakop sa ilang pamilya sa maong healthcare worker ang bakunahan na sab ubos sa Expanded A1 Vaccination sa kagamhanan.

Sa laing bahin, gipahibawo ni Lorecehe nga adunay 108,598 senior citizens sa rehiyon ang nakakompleto na sa duha sa doses sa bakuna base sa labing uwahing talaan nila niadtong Agusto 2.

VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph