Trailer truck 9 ka oras una nakuha sa Maguikay flyover

Trailer truck 9 ka oras una nakuha sa Maguikay flyover (Gikan sa Bantay Mandaue Team Facebook)
Trailer truck 9 ka oras una nakuha sa Maguikay flyover (Gikan sa Bantay Mandaue Team Facebook)

Siyam ka oras ang pagtrabaho sa Traffic Enforcement Agency of Mandaue (TEAM) ug personnel sa trailer truck sa pagkuha niini gikan sa Maguikay flyover human nalambigit sa aksidente sa Martes sa gabii, Agusto 3, 2021.

Ang truck driver nilihay human ni counterflow ug nisugat kaniya ang usa ka sakyanan nga giingong gimaneho og babayeng langyaw nga hubog.

Tungod niini, natumba ang truck samtang ang atubangan niini nagbitay sa flyover. Wa maagii ang ibabaw ug ubos sa flyover.

Si Team chief Arnold Malig-on niingon nga ang Korean national gitanggong sa Mandaue City Police Office (MCPO) alang sa posibleng pagpasaka og kaso.

Sa post ni Team executive director Edwin Anthony Jumao-as sa ilang Facebook page, siya niingon nga nilanat og upat ka oras ang padiskarga sa mga kargamento sa trak.

Matod ni Jumao-as nga alas 6 na sa buntag sa Miyerkules, Agusto 4, hingpit nga nakuha ang trak gikan sa flyover gamit ang usa ka tow truck.

Giputol sa Team ang nadaut nga railing sa flyover kay naghatag kini og kakuyaw sa mga motorista. (REV)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph