Tambagi ko Noy Kulas: Kusgan sa katre

Dear Noy Kulas,

Tagoa lang ko sa ngan nga Melay, 36 years old. Taga Mindanao ko pero nagsunod ko aning imong column online.

Nakahuna-huna ko og padala nimo og suwat kay nakabasa ko adtong asawa nga wa na pakita ang iyang bana og 10 ka tuig. Kaning ako lahi kay eight years na ming buwag sa akong bana kay nakakita na siya og laing babaye kay wa na kuno siya mahigugma nako. Bisan tuo magtiayon mi, wa na ko mamugos niya.

Sukad ato, wa na ko mangita og lain but moprangka ko, naa man tay sexual needs, igo igo ra sa tilaw tilaw akoa. In short kanang fling fling but nothing serious. Kapila na ko hilaki og lalake but ako dayon biyaan basta magsugod na og ka serious. Mabuang tingali sila nako basta sex kay birahay akoa.

Karon nakauyab ko aning 25 years old nga young businessman. Gwapo, buotan ug responsible. Nainlab na man kuno siya nako. Ready siya mogasto sa akong annulment basta maiyaha kuno ko.

Noy, magkatawa ko maghuna-huna nga di na ko og serious nga relationship, naa man ni sila. Di kaha tungod ni sa akong sexual prowess? Tambagi ko. Daghang salamat.

MELAY

Melay,

Basin nga nabuang tuod sila nimo kay maayo ka modalag lahutay sa katre. Naa may mga lalake nga ingon ana ang sinugdanan sa pagka develop. But ang nakakuyaw gud ana kay kon moabot ang puol sa bugnoay, mao ra gihapon, mangitag lain. Lahi ra kon ang kinatibuk-ang pagkatawo nimo ang higugmaon.

Ayaw pagsugot dayon sa iyang offer. Have a long term relationship kay sa magtilaw tilaw lang ka sa mga lalake nga maora kag nanimawos. Kon duna siyay kapabilidad ug maklaro nimo nga nagkahigugmaay, why not let him take care sa annulment?

NOY KULAS

rojval69@yahoo.com

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph