SUPERBALITA CEBU

Nalzaro: Atras si Ahong

Saksi

ANG Malakanyang niaw-hag kang Lapu-Lapu City Mayor Junard “Ahong” Chan sa pag-recall o pagpahunong sa iyang unang polisiya nga kadto lamang fully-vaccinated individuals ang mamahimong makasulod sa shopping malls, supermarkets, private, public markets ug convenience stores. Ang maong executive order moepekto unta karong Agusto 25. Ang rason sa Malakanyang basin makamugna kini og dugang pag-antos sa katawhan inay mga benepisyo ang makuha.

Ang pag-implementar sa kamanduan o restrictions adunay tugbang nga kakulian. Basin dili makadawat og ayuda ang dili mga bakunado gumikan kay dili man sila makagawas. Gikinahanglan nga adunay maghatud kanila og grocery items gumikan kay dili man sila makasulod sa mga supermarket. Gi-welcome ang maong innovation sa mayor aron mapugos ang katawhan nga magpabakuna, apan dili pa karon ang tukmang panahon nga iimplementar kini, matod ni Presidential Spokesperson Harry Roque.

Nidugang si Roque nga ang maong polisiya gisagop sa ubang kanasuran sama sa Amerika ug France gumikan kay daghan naman ang mga nabakunahan didto. Apan dinhi sa ato, gamay pa lang ang porsiyento sa mga nabakubahan. Busa dili pa kini angay nga ipatuman. Huwaton na lang nga mabakunahan ang 50 porsiyento sa population.

Isip tubag, dili na ihinayon ni Ahong ang iyang plano. Mao lagi na daghang kaayong rason kon nganong ang ubang mga tawo nagdumili sa pagpabakuna. Una, kuwang ang bakuna ug aduna pay kahadlok ang uban sa epekto ug siguridad niini. Ato na lang ba nga langkatan sa ilang katungod ang mga tawo nga magdumili sa bisan unsang rason?

Base sa survey sa Pulse Asia karong bag-o, nasuta nga 43 porsiyento ang nagkanayon nga gustong mabakunahan, 36 percent ang dili gusto nga magpabakuna samtang 16 percent ang wala pa makadesisyon. Samtang sa gidaghanon sa mga dili gustong magpabakuna, 69 percent niini nagkanayon nga nagduda sila sa epekto ug kaluwas sa bakuna. Ug 12 per cent ang way bilib sa bakuna ug wala kini nila kinahanglana. Unya pugson nimo ni sila? (bobbygnalzaro@gmail.com)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph