NAPILDE si Eumir Marcial pinaagi sa split decision batok kang top-seed Oleksandr Khyzhniak sa Ukraine sa semi-finals sa men’s boxing middleweight class karong hapon, Agusto 5, 2021, sa Tokyo Olympics sa Kokugikan Arena sa Japan.
Sa kapildihan, napakyas si Marcial pagsulod sa gold medal round ug manamilit siya sa kompetisyon bawon ang bronze medal.
Human sa duha ka rounds, nag-una unta sa puntos si Marcial apan nadominar siya ni Khyzhniak sa ikatulo ug katapusang round hinungdan sa iyang kapildihan. (ESL)