PATAY na nga napalgan sud sa iyang balay ang usa ka amahan human tigbasa sa nawong Miyerkules sa gabii, Agusto 4, 2021, sa Purok 6, Barangay Rang-ay, Banaybanay, Davao Oriental.
Subay sa report, misaysay ang asawa sa biktimang si Ferdinand (bansagon gipatago), 54, nga wala sila nangatulog sa ilang balay uban sa iyang anak kay hubog ang biktima.
Dugang sa asawa, matag adlaw na lang hubog ang iyang bana ug magmaoy kini butang nga iyang nahukman nga sa balay sa iyang inahan sila mangatulog.
Pagbalik nila Huwebes sa buntag sa ilang balay, patay na nga naghigda sa lingkuranan ang biktima, kinsa nakaangkon og daghang tinigbasan sa ulo ug nawong nga miresulta sa iyang kamatayon.
Ang kapulisan sa Banaybanay Municipal Police Station naghimo na og imbestigasyon sa hitabo diin ginasubay ang mga nakainom sa biktima.
Sumala sa kapulisan, posible nga nakainom ang suspek sa hitabo nga mao karon ang ilang gitutukan sa ilang imbestigasyon.