USA ka mag-uuma nasikop ug nakuhaan og usa ka sakong pina-ugang marijuana sa Barangay Caliongan, lungsod sa Dalaguete, alas 4:00 sa buntag kagahapon, Agusto 5.
Ang nasikop mao si Luis Belista Ambrad, 52, minyo ug mag-uuma.
Si Police Major Pedy Noval, hepe sa Dalaguete Police Station, niingon nga dunay nipahibalo kanila bahin sa suspek nga nananom og marijuana.
Sa pag-abot nila sa lugar, nakita sa umahan niini ang 11 ka fully grown nga punoan sa marijuana.
Dihang ang mga pulis ning-adto sa panimalay sa suspek, nakabantay kini ug nigawas. Nibunot sa iyang .38 revolver apan nakuptan sa mga pulis napusasan.
Sa pagsusi sa kapulisan sa panimalay, nakit-an ang plastic packs nga puno sa pinaugang marijuana.
Laing duha ka sakong marijua nga gibutang ss lingkuranan diha sa terrace.
Matud ni Noval, ang mga marijuan nitimbang og 1 ka kilo ug tunga nga mobalor sa P180,000.00 base sa Dangerous Drugs Board ( DDB) value.(GPL)