SECTIONS
Superbalita Cebu
Thursday, September 23, 2021
SUPERBALITA CEBU

Rabacal: Misteryo sa CCMC

Pakabana

KINING Cebu City Medical Center (CCMC) gibana-banang mogasto og P1.5 billion niadtong 2014. Ang karaang CCMC gipaguba ni kanhi mayor Mike Rama niadtong 2015 human sa linog nga nitay-og sa Sugbo sa 2013. Ang resulta sa unang bidding pagtukod og balik sa maong tambalanan nagkaguliyang.

Sa paguba pa lang sa edepisyo, nalimin na sa kontrobersiya. Gikuwestiyon sa mga kaatbang ni Mayor Rama ang paghatag sa mga kabilya ug mga puthaw nga nakuha gikan sa gigubang ospital ngadto sa contractor niini. Akong nasayran nga pulos adunay gitago-ang mga ebidensiya ang pipila ka opisyal sa habig ni Rama ug kampo ni kanhi mayor Tomas OsmeƱa. Ang katarungan kay mao na kadto ang silbing bayad nila sa contractor sa paguba sa edepisyo. Apan supak man kuno kini sa balaud. Nagpaabot ang katawhan nga mokiha ang BO-PK sa kanhi konsehal ug mga sakop sa bidding committee tungod niining maong isyu. Apan nahilum lang kini ug nibalhin ang maong konsehal ngadto sa BO-PK. Ambut og naunsa na ang maong isyu? Nahug sa linaw dayon katunaw? Dili ba misteryuso?

Daghang mga tawo, apil na ang ubang city councilors, nangutana og pila man gayud ang magasto sa paghuman sa maong ospital ug kanus-a kini hingpit nga magamit? Gituhoan nga molingkod na lang ang sunod nga administrasyon sa Siyudad, dili pa gihapon kini mahuman. Hinaut pang magamit na kining CCMC batok sa Covid-19, dili alang sa pangkupit.

Daghang kahugpongan sa mga kabus nga Pilipino ang nanghinaut nga mahinayon pagdagan sa pagka-presidente si Senador Manny Pacquiao. Bisan kon gisaway si Pacman nga wa kunoy angay ma-presidente, apan ilang gidayeg ang nakab-ut niya nga kahamugaway sa pagpuyo ug ang pagtabang sa mga kabus ug timawa pinaagi sa pagtukod kanila og balay ug paghatag kanila og pagkaon. Nangutana usab sila kon unsay naghimo ni Mayor Sara Duterte Carpio nga angayan man siyang butohan alang sa Malacanang? Wala man kini siya mailhi kon dili pa siya anak sa presidente. Maayo pa kuno si Senador Ping Lacson nga kandidato usab sa pagka-presidente kay aduna kini igong eksperiyensiya sa gobiyerno isip kanhi police chief ug senador. Gisaway usab hinuon siya tungod niadtong kaso sa Kuratong Baleleng gang. Si Bise Presidente Leni Robredo gituhoan nga dili mudagan sa pagka-presidente

.

Kining umaabot nga presidential election magdaug kon si kinsa ang kandidato nga suportahan sa kinabag-ang masa kon D ug E voters. (mannyrabacal1144@gmail.com)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!