SUPERBALITA CEBU

172 milapas sa curfew nasikop

DUL-AN na usab sa 200 ka mga tawo nadakpan sa kapullisan sa Siyudad sa Sugbo tungod sa kalapasan sa curfew.

Apan ang Cebu City Police Office (CCPO) nibutyag nga miubos na karon ang nangadakpan itandi sa milabay nga mga adlaw.

Moabot ngadto sa 172 ka mga tawo ang nasikop sa mga sakop sa CCPO atol sa hugot nga pagpatuman sa curfew alas 10 sa gabii sa Miyerkules, Agusto 4,hangtod sa Huwebes sa kaadlawon Agusto 5, 2021.

Matod ni Police Lieutenant Colonel Wilbert Parilla, deputy city director for operations sa CCPO, nga sa 172 nga nadakpan, 135 niini mga hamtong, ug 37 ang menor de edad nga naabtan sa gawas sa ilang balay nga lapas na sa alas 10 sa gabii.

Nabantayan hinuon ni Parilla nga ubos kini itandi sa milabay nga mga adlaw diin daghan ang nangadakpan.

Apan bisan pa man niini, angay pa gihapon nga kanunayon ang operasyon aron wa nay manggawas panahon sa kagabhion.

Gipangsulod na usab sa mga pulis ang mga sitio diin naa didto ang mga tawo nga daw sa wa na mahadlok sa coronavirus disease 2019 (Covid-1) ug wala na usab maka facemask.

Tungod niini, bisan kon duol ra ang mga balay sa ilang masugatan, ila kining dakpon tungod kay milapas man sila sa oras sa gitagal nga kutob na lang sa alas 10 sa gabii, kinahanglan nga naa na sa sulod sa ilang balay ang tanang mga tawo.

Gipatutukan usab nila ang mga barangay nga nalakip sa top five nga adunay labing daghang mga kaso sa Covid-19.

“Curfew ang kadaghanan. Ang uban ani naa ra gud sa ilaha, duol ra ang balay nya mag suroy-suroy lang gihapon bisan nakahibawo na nga naa nay curfew pero nag suroy-suroy lang gihapon. So, ato lang gihapon gi apprehend bisan pag mo ingun sila nga naa ra sa unahan ang ilang balay as long as naa sila sa gawas,” matod ni Parilla.

Awhag ni Parilla sa publiko nga motuman kanunay sa minimum health protocol tungod kay padayon nga misulbong ang mga kaso sa Covid-19, ilabi na nga nag hulga ang Delta variant sa Sugbo. (AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!