GIKONSEDERAR karon ni seven-time All-Star forward LaMarcus Aldridge ang pagbalik og duwa sa National Basketball Association (NBA) human sa tulo ka mga buwan ug tunga gikan sa iyang kalit nga pagretiro.
Ang 36-anyos, kon kahinumdoman, mipahibawo sa iyang pagretiro sa dihang ubos pa siya sa Brooklyn Nets niadtong tungatungang bahin sa Abril ning tuiga tungod sa gipamati niini sa iyang kasingkasing.
Apan karon daw og sa interesado na kining mobalik alang sa 2021-2022 season. Hinuon, sigon sa taho, nga wala pay final decision si Aldridge kabahin niini apan labing siguro nagkinahanglan pa usab kini og medical clearance aron makapirma siya og kontrata sa team.
Sa iyang pagretiro, si Aldridge mibutyag nga nakasinati siya og irregular nga pagpitik sa iyang kasingkasing atol sa duwa tali sa Nets ug Los Angeles Lakers niadtong Abril 10, 2021. (JBM)