Wa pa ma tuod ni kasiguroan, apan ang kapildihan ni Eumir Marcial sa mga kamot ni Oleksandr Khyzhiak sa Ukraine sa men's middleweight semifinals sa Tokyo Olympics posibling dili pa maoy iyang katapusan sa mga international kompetisyon nga mag-representar sa nasod.
Si Ed Picson, ang secretary-general sa Association of Boxing Alliances of the Philippines (ABAP) mibutyag nga sa iyang pagpakighinabi ni Marcial human sa iyang away, ang 25-anyos nga Zamboangeno mipadayag nga anaa gihapon sa iyang alimpatakan ang pagsalmot sa Southeast Asian Games, Asian Games, World Championships ug ingon man sa Olympics.
Kon kahinumdoman si Marcial niadtong 2019 human siya nahimong silver medalist sa World Championships, isip sanong sa imbitasyon, nakadesider nga mag professional fighter pinaagi sa pagpirma og kontrata sa MP Promotions ni Manny Pacquiao.
Gani milarga kini sa US ug didto nag-training ubos sa inilang professional boxing trainer nga si Freddie Roach.
“I really don’t know what’s going to happen in the next few days and what’s on his mind, but ‘yun ang sabi niya sa akin na hindi niya iiwanan ‘yung career with Abap,” matod ni Picson sa interview sa TV5 human sa iyang away.
Hinuon si Picson mipasabot nga wala pa gyuy katino-an ang tanan kalabot ning pamahayag ni Marcial nga magpabilin sa national team. (JBM)