SUPERBALITA DAVAO

Nagpeke's RT-PCR test gihukman

SunStar file

USA ka biyahero nga nagpeke sa resulta sa iyang reverse transcription-polymerase chain reaction (RT-PCR) test sa dihang miabot sa Francisco Bangoy International Airport gihukman sa korte nga mobayad og P5,040.

Kini maoy unang kasong legal nga gidaug sa lokal nga panggamhanan ning Siyudad sa Davao may kabahin sa pagmaniobra og resulta sa RT-PCR test.

Sa suwat pamahayag gikan sa City Information Office sa siyudad, ang giakusahan gipanganlan og Lloyd Alipin Abarquez gihukman ni Judge Catherine Guerzo-Barrion sa Municipal Trial Court in Cities (MTCC) Branch 4 nga mobayad og P5,040 human mi-abogar nga sad-an sa Section 9 sa Republic Act 11332 o ang "Law on Reporting of Communicable Diseases" ug sa Ordinance No. 0466-21 Series of 2021 – "An Ordinance Penalizing Persons Using or Producing Falsified or Tampered Covid-19 Medical Test Results or other Health Verification Documents in the City of Davao."

Sumala sa lokal nga panggamhanan nga si Abarquez nadakpan niadtong Pebrero 27, 2021, sa Davao Airport human mipakita og RT-PCR test results nga way mga dokumento nga magpamatuod niini sama sa resibo ug e-mail gikan sa swabbing center.

Matud ni Public Safety and Security Command Center (PSSCC) Head Angel Sumagaysay sa paghinabi sa radyo nga kini maoy una sa 159 ka kaso nga gipasaka sa lokal nga panggamhanan pinaagi sa iyang buhatan.

Si Sumagaysay, kinsa nagrepresentar sa siyudad sa kaso, nagsulti nga ang pagpasaka sa kaso nahitabo human masusi nga ang swabbing center nga mao untay mag-isyu sa RT-PCR result wa makakita sa pangalan ni Abarquez sa ilang sistema.

Sa 159, moabot ngadto 145 ka kaso ang gipasaka pinaagi sa inquest ug 14 pinaagi sa regular filing, dugang ni Sumagaysay. Usa ka kaso ang gibasura.

Sulti niini nga bisan tuod kon ang giimposar nga multa di bug-at, apan mabutang kini "as a remark on his police clearance, National Bureau of Investigation and court clearance."

Niadtong Lunes, Agosto 2, gibutyag ni Sumagaysay nga siyam ka mga indibiduwal ang nadakpan, pinakadaghan nga nasikop sa usa ka adlaw lang. Mga kaso gipasaka niadtong Miyerkules ug Huwebes, Agosto 4 ug 5, kon diin usa kanila nagpositibo sa Covid-19.

"Yun ang epekto pag once gina-falsified mo, may mga cases na kaming nagunitan, I don't know ngano ginahimo ni nila, dako ni siya nga perwisyo sa siyudad, sa katawhan," tataw sa opisyal sa PSSCC sa 87.5 FM Davao City Disaster Radio.

Gisulti niini nga magsilbi kining pasidaan ngadto sa publiko nga di magmaniobra sa ilang resulta sa test aron nga di mabutang sa risgo ang uban. (Uban sa taho sa CIO)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph