SUPERBALITA CEBU

27 patay sa Covid sa 5 ka adlaw

NAGKADAGHAN ang mga kinabuhi nga nakalas sa dakbayan sa Sugbo gumikan sa coronavirus disease 2019 (Covid).

Gani, si Konsehal Joel Garganera, deputy chief implementer sa Emergency Operations Center (EOC), nagkanayon nga sa unang lima ka adlaw ning Agusto, 27 na ka kinabuhi ang nakalas.

Si Garganera nagkanayon nga 15 kanila ang nangamatay sulod sa hospital, lima ang dead on arrival sa tambalanan ug pito ang nangamatay sulod sa ilang balay.

Wa pa kini labot sa 86 ka mga tawo nga nangamatay niadtong Hulyo gumikan gihapon sa Covid-19.

Nisaka ang gidaghanon sa nangamatay sa Hulyo, gikan sa 78, nahimong 82.

Apan kagahapon, Agusto 6, sa katapusan nilang ihap, nahimo kining 86 sanglit aduna pay mga death certificate sa mga nangamatay sa Hulyo nga naabot.

Samtang ang Cebu City adunay 217 ka bag-ong kaso sa Covid-19 niadtong Agusto 5 ug 96 ang bag-ong nangaayo.

Sukad niadtong niadtong Hulyo 17, tulo ka digits na kada adlaw ang mga kaso.

Sa unang lima ka adlaw sa Agusto, niabot na og 1,300 ka mga bag-ong kaso sa Covid-19 ang natala. Kini nagpasabot nga ang mga kaso sa Siyudad nag-average og 260 matag adlaw sukad niadtong Agusto 1-5.

MABDOS PUD

Base sa record sa EOC, adunay 48 ka mga babaye nga mabdos ang nagpositibo sa Covid-19 sa nilabay nga 14 ka adlaw.

Naay anaa sa hospital, isolation center o sa balay, apan walay nakutloan sa ilang kinabuhi.

Si Garganera niawhag sa laboratories kinsa nidawat ug maoy ni-swab ngadto sa mga individual, nga mopahibawo dayon ngadto sa hingtungdan aron sila mismo mag-isolate ug magpaabot nga kuhaon sa extraction team sa EOC aron mahatod sa quarantine center o isolation facility.

Tumong niini aron dili makapanakod ug di na ipakuha ang ilang resulta nga posible pang mosakay kini og de pasaheroan ug dilikado nga makapanakod sa laing tawo.

Sa kasamtangan, ang Siyudad duna nay 3,201 ka aktibong mga kaso sa Cebu City sa nakalabay nga 10 ka adlaw.

Niabot na sa 966 ka mga individual ang nakabsan sa sukad sa miaging tuig.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!