Paalam dili manamilit sa amateur

OLYMPICS: Gitataw ni 2020 Tokyo Olympics silver winner Carlo Paalam nga wala siya’y hunahuna nga mosaka sa professional rank sa boksing. Gipasabot niya nga tinguha niyang makabaton og gold medal sa Paris Olympics karong 2024. / AP PHOTO
OLYMPICS: Gitataw ni 2020 Tokyo Olympics silver winner Carlo Paalam nga wala siya’y hunahuna nga mosaka sa professional rank sa boksing. Gipasabot niya nga tinguha niyang makabaton og gold medal sa Paris Olympics karong 2024. / AP PHOTO

Gipabuhagay ni Carlo Paalam nga wala sa iyang hunahuna ang pagsaka sa professional rank ug nakatutok gihapon siya sa iyang pangandoy nga makabaton og Olympic gold medal nga midakin-as gikan sa iyang mga kamot sa bag-uhay lang nahuman nga Tokyo Games.

Midikit na unta ang kanhi mamasurahay sa Cagayan de Oro City sa iyang pangandoy dihang nakasulod siya sa final round sa men’s boxing flyweight division apan napilde siya batok kang Galal Yafai sa Britain pinaagi sa split decision.

Sa usa ka virtual press conference, nagkanayon si Paalam nga padayon siyang maningkamot og maayo sa training aron mabaid pa’g samot ang iyang abilidad alang sa iyang gipunetrya nga Paris Olympics karong 2024.

“Wala po sa isip ko yan,” matod ni Paalam kabahin sa professional rank nga napatik sa www.spin.ph.

Mismong ang dugay nang coach ni Paalam nga si Elmer Pamisa ang nangutana sa 23 anyos nga boksidor kon unsa’y plano niini human sa Tokyo Olympics.

“Tinanong ko nga si Carlo, baka ano na mga plano mo niyan,” asoy ni Pamisa. “Ang sabi nya sa akin, ‘Trabaho pa rin tayo, coach, para makuha natin ang ginto.”

Hugot ang pagtuo ni Paalam nga mas dako ang iyang poruhan nga maangkon na niya ang gipangandoy nga Olympic gold medal sa Paris.

“Ngayon nga po, lahat po ng mga nananalo dito pangalawang Olympics na nila,” batbat ni Paalam. “So sa susunod na Olympics, kung mas may experience na ako, tingin ko mas malaki ang tsansa.”

Sa kasamtangan, nagtutok ang atensyon ni Paalam alang sa Vietnam Southeast Asian Games ug Asian Games nga pulos ipahigayon sa sunod tuig. (ESL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph