SUPERBALITA CEBU

Martin: Miss U PH Top 75 gi-anunsiyo na

Tagming

PADAYONG nag-una karon si Kisses Delavin sa online voting sa Miss Universe Philippines 2021 apan ang pangutana kon makasugakod ba siya sa actual pageant na.

Kusog si Kisses kay artista lagi ug duna nay daang fan base isip kanhi housemate sa 2016 Pinoy Big Brother diin siya nidaug nga 2nd placer.

Apan sa higayon nga ikaharong na niya ang mga tang-an sa beauty pageant duna ba kahay ikabuga ang 22-anyos nga taga-Masbate? Kadaghan ra bang lig-on sa karon nga batch nga naglakip sa atong pambato sa Sugbo nga si Binibining Cebu 2018 Steffi Rose Aberasturi ug ang Asia’s Next Top Model winner Maureen Wroblewitz.

Niadtong Dominggo gianunsyo na sa Miss Universe PH Organization from 100 ang Top 75 nga naglakip siyempre nilang Steffi, Maureen ug Kisses.

Ang Top 50 mao ang molarga sa Manila alang sa personal interbyu. Ang makasud sa Top 30 ang magtigi sa grand coronation night sa Sept. 25, 2021.

BOYKOT MISS U

Dunay panawagan nga i-boykot ang umaabot nga Miss Universe Pageant human gianunsyo nga adto ni ipahigayon karong December sa Israel.

Sa kadaghang nasud ngano kunong sa Israel pa nga nag-atubang og grabeng human rights violation nunot sa pagpamomba nila sa Gaza nga nikalas og daghang mga kinabuhi.

Apan wala pay tubag niini ang Miss U Organization. Bawal sad kuno sa mga kandidata nga motubag sa maong isyu.

PACQUIAO

Karong humana ang Olympics ari na sad ta sa umaabot nga away ni Manny Pacquiao batok ni Errol Spence Jr. karong Agusto 22 (Phil time).

Klarong underdog ang atong Pambansang Kamao kay ang mga pustada sa Las Vegas TKO gyud kuno si Manny.

Apan ang akong fearless forecast makalahutay si Manny hangtod 12 rounds ug posible pang modaug via decision. Apan kon mopadayon gyud siyang modagan sa pagka-presidente sa umaabot nga piniliay mao nay kuyaw sa pilde. Haha...

GIBUKING

Balik-hosting si Kris Aquino niadtong Dominggo atol sa live Mega Flash Sale TV Special ni Willie Revillame. Apan gibadlong siya ni Willie dihang nipasumbingay si Kris bahin sa political plans sa Wowowin host.

Si Willie daan nang nisaad nga duna siyay importanteng i-anunsyo karong Agusto nga gidudahan nga mao na ang iyang pagdagan sa pagka-senador.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!