MAKAPANGLIMBAWOT sa balhido kay na- average ang Cebu City og 10 ka mga tawo nga mamatay sa Covid-19 matag adlaw.
Ingon ani sab ang kahimtang sa Cebu province, Lapu-Lapu ug ang Mamdaue City nagsaka ang namatay
Mao diay daghang wa na mang gawas sa ilang panimalay tungod sa kahadlok kay grabi motakod ang Delta variant.
Ug kalit ang pagsaka sa gidaghanon sa mga tawo ang gusto nang magpabakuna aron dunay proteksyon ang kaugalingon batok sa virus.
PACQUIAO NASUKO
Sakto ang gihimo ni Senador Manny Pacquiao sa pagduol sa PNP Cybercrime.
Binoang naman sab ang gihimo sa trolls sa social media pinaagi sa pagbutangbutang sa isyu sa kurapsyon sa P3.5 bilyunes sa Saranggani Sports Complex, matud pa, usa ka white elephant.
Kaya kaayo kining himuon sa PNP Cybercrime pinaagi sa pag-abag sa Facebook aron mailhan ang administrator sa 27 ka fake accounts sa FB accounts ug websites.
Ang peking accounts mao raba ang gigamit ni Pastor Apolo Quiboloy, ang nagpailang apppointed son of God ug nangangkon nga owner sa universe sa iyang mga ataki ni Pacquiao
Si Quiboloy, usa ka spiritual adviser ni Presidente Rodrigo Duterte, nakasugat og laing kontrobersya bag-o Lang sa dihang nipahibawo nga ang katapusang pagparehistro sa clearance sa pagsud sa langit ug siya ang mopirma karong Disyembre 25, 2021.
PULITIKA
Tinuod ang panultion nga way permanenting higala sa pulitika ug bisan gani ang sakop sa pamilya mag-away.
Naglisud man gud ko og tuo sa pagtumaw sa pangan sa usa ka dakong negusyante nga usa ka philanthropist nga modagan sa pagka Kongresista sa ika upat nga distrito sa Sugbo.
Sa kampanyani Konsehal Francis Salimbangon, modagan pagka mayor sa lungsod sa Tabogon, Cebu, gikampanya niini ang iyang suportahan sa pagka kongresista.
Tungod niini, mahimong si Francis ang nagkonpirmar nga wa mokampanya sa subling pagdagan sa iyang step mother nga si Kongresista Janice Salimbangon?