Dear Papa Joe,
Maayong adlaw nimo. Tawga lang ko sa ngan nga Maris, single mother ko kay naa ko anak nga babaye nga five years old pa. Kaning akong problema kabahin sa akong kaipon nga minyo but iyang asawa ug mga anak toa na sa United States.
Daghan ang naglibog kay nganong siya ang akong gipili nga di pa gwapo unya gors na. Ako 31 while siya 58 na. Grabe pa siya ka seloso ug usahay dapatan pa ko kon maglalis mi. Pero galibog ko nako kay bisan iya kong palayason, wa nako na buhata.
Naa koy na meet akong kauban nga new sa work. Buwag sila sa iyang live in nga ni abroad ug naa niya ang duha nila ka kids. By the way, 35 years old pa ni siya. Nag court siya nako ug ready siya modawat sa akoa. I hope imo kong matambagan, Paps.
MARIS
Maris,
Mas maayo pa ang single father, Day Maris, kay sa minyo nga buwag sa pamilya niya. Dako pa mo og gap sa edad. Dako kaayo na og effect sa inyong duha kon inyong ipadayon. Well, naay panagsa nga naka survive pero sa ako nang giingon, tagsa ra lagi na.
Way problema kon kamo kana if magkasinabot mong duha. Pero ayaw kaayo pagdali, obserbahi una siya.
Kana lang ug daghang salamat.
PAPA JOE
(sa inyong tampo ipadala lang sa papajesuperb@gmail.com)