GIBIDA sa kabataan ang ilang talento sa pagpinta atol sa Pinta PanaboJuan subay sa pagselebrar sa Linggo ng Kabataan 2021 sa Panabo City.
Ang mga artworks subay sa tema ning tuiga nga, "Transforming Food Systems: Youth Innovation for Human and Planetary Health."
Nasayran nga gimugna ang aktibidad sa Local Youth Development Section ilawom sa opisina ni City Mayor Jose Relampagos.
Tumong sab niini aron mapaabot sa kabataan ang ilang gibati labi na karon sa pandemya ug ilang mapakita ang ilang talento.
Opisyal nga hurado sa aktibidad mao sila Public Employment Service Office Manager Cherelle B. EspiƱosa, Tagum City Visual Artist Guild PINTAGUM President Kenneth Von Villa, ug Tourism Officer Allan Roy Gencianos.
Mga mananaug gianunsyo kagahapong adlawa, Agosto 13, 2021 ug nakatakdang ma-post sa Official Facebook page sa Panabo City. (Jeepy P. Compio)