Tumbahon ni Manny Pacquiao si Yordenis Ugas atol unya sa ilang away karong Agusto 21 didto sa T-Mobile Arena sa Las Vegas Nevada.
Kini ang panahom ni boxing hall of famer Bernard Hopkins human niatras si Errol Spence Jr., sa ilang away gumikan sa injury sa iyang wala nga mata.
“Pacquiao gets a knockout.He’s no match for Pacquiao,” padayag ni Hopkins.
Sa away sa Pambansang Kamao batok ni Spence Jr, walay duhaduha nga nidapig ug nipili si Hopkins sa Amerikano gumikan sa iyang edad ug sa gidak-on apan sa maong away gipili niya ang Pilipino nga modaog.
“You talking about a top of the line Ferrari which is Spence and compared to a high-end Mercedes, it can’t compete. Not in drag racing,” ang gihimong sanglitanan ni Hopkins.
Ang injury ni Spence nadiskobrehan dihang nagpa-examine siya sa iyang doctor nga maoy iyang routine kon aduna siyay away ug didto nadiskobrehan ang danyos sa iyang walang mata.
Si Ugas undercard unta sa ilang away apan natumong usab nga ang iyang kontra niatras gumikan sa samang retinal injury nga naangkon ni Spence Jr.
Siya usab ang gideklara nga champion hulip ni Pacquiao sa ilang division human wala makadepensa ang Pinoy sa iyang titulo sa 147 lbs samtamg ang Pambansang Kamao gitawag nalang og champion in recess.
Ang 35 anyos nga Cuban boxer nidaog ka 11 sa iyang 12 ka away ug napilde sa kontrobersyal nga kadaugan ni Shawn Porter niadtong Marso 2019.
Si Hopkins nikonsidera gihapon ni Pacquiao nga usa sa labing banggiitan nga boksidor sa tibuok kalibotan. (PAC)