SUPERBALITA CEBU

48 ka PUV drivers nadakpan sa mga checkpoint

48 ka PUV drivers nadakpan sa mga checkpoint. (File photo)

Moabot sa 48 ka pampublikong mga bus ug uban pang pampublikong mga sakyanan nadakpan sa kapulisan sa probinsya sa Sugbo human nakalapas sa executive order 35-B ni Cebu Governor Gwendolyn Garcia atol sa lapad nga checkpoints nga gihimo sa Cebu Provincial Police Office Sabado sa buntag, Agusto 14, 2021.

Matod ni Police Colonel Engelbert Soriano, hepe sa kapulisan sa Lalawigan sa Sugbo, nga kasagaran sa mga mini bus ug ubang PUV’s nga nadakpan nagbiyahe sa habagatang bahin sa probinsya.

Ilang mga kalapasan mao ang overloading, way trip ticket ug nagpasakay sa mga pasahero nga way facemask ug face shield.

Kini pulos hugot nga gidili sa lagda nga giluwatan ni Garcia.

Dugang ni Soriano nga ilang giestrikto ang pagpatuman sa executive order tungod sa pagsaka sa mga kaso sa coronavirus disease 2019 (Covid-19) sa milabay nga mga adlaw.

Gituohan nga nagsugod ang tinakdanay sa mga bus de pasaheroan.

Kon kaniadto 13 ka oras lang matag adlaw ang gihimo nga checkpoint sa 50 ka police stations sa kalungsoran ug mga siyudad, karon 24 oras na.

Kini aron ang tanang bus ug PUVs nga mobiyahe sa probinsya sa Sugbo masusi na.

“Ang concept nito parang March 2020 din, kaya lang ang concentration natin yung sa public utility vehicle considering na ito yung tinatawag nilang na dito nangyayari ang transmission mga super spreader na tinatawag,” matod ni Soriano.

Natingala si Soriano kon nganong adunay bus drivers nga molapas pa gihapon sa kamandoan bisan kon nibahad na ang gobernador nga panakpon kon dili mosunod.

Magpadayon pa kini hangtod sa katapusan sa Agusto nunot sa paglugway sa modified enhanced community quarantine (MECQ) sa 11 ka mga lugar sa probinsya.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!