SUPERBALITA CEBU

Sagad sa mga pasyente sa Covid wa pa mabakunahi

Kadaghanan kun 90 porsiyento sa mga nangamatay sa Covid-19 nga natala sa Vicente Sotto Memorial Medical Center (VSMMC) sa unang walo ka adlaw sa Agusto wala pa na bakunahan batok sa coronavirus disease 2019 (Covid-19).

Matod ni Dr. Helen Madamba, chief sa Professional and Allied Health Services (Medical Social Service and Health Information Management) sa VSMMC, nga gikan Agusto 1-8, nakatala sila og 47 ka mga Covid-19 mortalities ug 90 porsiyento nila wala pa nabakunahan batok sa coronavirus

“So, if you want to protect yourself, get yourself vaccinated,” segun niya atol sa gipahigayon nga virtual hospital tour sa VSMMC niadtong Biyernes, Agusto 13.

Ang VSMMC usa ka Department of Health (DOH)-retained nga tambalanan. Ingon sa datos niadtong Agusto 13, ang VSMMC nakatala og total confirmed cases nga 3,366 samtang ang ihap sa mga confirmed Covid-19 cases nga kasamtangang na admit pa karon sa VSMMC anaa sa 189.

Nakatala usab sila og 1,371 ka mga Covid-19 recoveries ug 781 ka mga pasyente ang na transfer kun nabalhin sa isolation centers. Sukad sa pagsugod niining pandemya, nakatala na ang VSMMC og 832 total deaths. Sila hinuon nag gikan sa lainlain nga mga lugar.

Ingon usab sa datos niadtong Agusto 13, anaa na sa 90 sa 99 nga mga dedicated Covid-19 Intensive Care Unit beds sa VSMMC ang okupado na samtang 174 sa 197 ka mga expanded Covid-19 beds ang nagamit na usab karon.

Samtang dugang ni Dr. Reynette Christine Ligaray, chief sa Medical Service Division sa VSMMC, nga tungod sa panginahanglan nga i-expand pa ang mga Covid-19 wards sa tambalanan, plano nila nga temporaryong gamiton una ang bag-o nga Center for Behavioral Sciences (CBS) building aron adto ma-admit ang non-Covid patients gikan sa internal medicine ug orthopedic patients. (WBS)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!