Ipatuman og balik sa dakbayan sa Sugbo ang mandatory stay-at-home order alang sa ikatulo ug ikaupat nga semana nga ang dakbayan ubos sa modified enhanced community quarantine (MECQ).
Ang dakbayan sa Sugbo pabilin nga ubos sa MECQ hangtud Agusto 31, 2021.
Ang kinatibuk-ang kaso sa coronavirus disease 2019 (Covid-19) sa dakbayan sukad sa sinugdanan niabot na og 33,872 apan ang 29,157 niini nangaayo na ug 1,078 nangamatay.
Sa pagkakaron, dunay 3,637 ka aktibong kaso sa Covid-19.
Si Acting Cebu City Mayor Michael Rama niluwat og executive order no. 137, “An Order Enforcing a Heightened State of Modified Enhanced Community Quarantine (MECQ) in Cebu City and Providing Rules and Guidelines Thereto,” kagahapon, Agusto 15.
Ang EO maimplementar sugod Agusto 15 hangtud Agusto 31. Magdepende sad kini kon ma-extend ang risk classification sa dakbayan.
Ang EO nagmando sa stay-at-home order nga mo-apply sa tanan, gawas lang sa pipila ka mga tawo labot na ang:
* Medical practitioners, officers, hospital staff, nurses, and health volunteers for the purpose of rendering medical assistance and/or service;
* Emergency personnel, security personnel, and force multipliers;
* All authorized national and local government officials and employees;
* Drivers and personnel of delivery vehicles carrying all types of cargoes;
* Accredited media personnel;
* Farmers, fishermen, and agri-business personnel;
* Persons who seek medical attention or who are already admitted in any medical facility provided that only one companion shall be allowed;
* Employees of establishments and offices permitted to operate
Ang EO nitugot lang sa mga lakaw nga matawag nga esensiyal apil na ang pag-access sa essential goods ug basic necessities gikan sa permitted establishments; kon ang lakaw kalabot sa pagtrabaho; ug para sa humanitarian reasons.
Adunay ipamutang nga mga inter-intra barangay protocol quarantine points nga maoy magtan-aw sa mga tawo nga manggawas kun esensiyal ba ang mga tuyo niini.
Ang manggawas mamahimong mopakita sa ilang identification cards (ID) sama sa Cebu City Hall ID, government ID, ug company ID sa mga gitugotan nga mga establisemento.
Apil sad sa maong EO ang pagpaimplementar sa parental supervised household lockdown diin ang mga ginikanan o heads sa matag pamilya moimplementar sa health protocols.
Ubos sad sa EO ang pag-umol sa Task Force Puyo nga gilangkuban sa mga miyembro sa Armed Forces of the Philippines (AFP); Philippine National Police (PNP); Cebu City Traffic Office (CCTO); Prevention, Restoration, Order, Beautification, and Enhancememt (Probe) team; barangay captains; Barangay Environmental Office; ug Public Information Office (PIO); ug mga force multipliers.