7 pugante napusoy; balik sa prisohan

Gipaambit ni Andy Dayanghirang Dungan
Gipaambit ni Andy Dayanghirang Dungan

ANAA na sa kustodiya sa kapulisan ang lima sa pito ka mga detainees nga nakaikyas sa Provincial Jail sa Davao Oriental niadtong Sabado, Augusto 14, 2021.

Sa impormasyon nga naka-post sa Provincial Government of Davao Oriental Facebook page, nasayran nga apil sa mitahan ang ilang lider nga si Cornelio Galon III.

Kauban usab nila ang 17 ka mga miyembro nga nisulong ug nitabang sa ilang pag-ikyas.

Mismong si Davao Oriental Governor Nelson Dayanghirang ang niatubang ug nidawat kanila niadtong Martes sa hapon human sila misurender nga malinawon sa puwersa sa kasundalohan didto sa Sitio Sawidan, Barangay Tagbinonga sa Siyudad sa Mati.

Una niini, pugsanon nga gisulod sa mga armado ang Provincial Jail aron nga luwason ang ilang usa ka kauban nga nadetinar nga dunay kasong paglapas sa Presidential Decree 1866 ug kalapasan sa Republic Act 9165.

Human sa hitabo, gipatuman dayon ang hugot nga seguridad sa Davao Oriental Provincial Rehabilitation and Reformatory Center sa Purok Maligaya, Barangay Sainz, Mati City.

Gituohang mga sakop sa Pinatikan Religious Group ang misulong mga alas 2:40 sa hapon niadtong Sabado.

Padayon ang gihimong manhunt operation sa lain pang duha nga nagtago-tago. (Jeepy P. Compio)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph