SAMTANG nagkaduol ang midterm elections sa Mayo, angayan lang nga pasidan-an ang mga kandidato nga mag-igmat og maayo sa ilang kaugalingon kay posibleng pahimuslan kini sa mga kaatbang sa politika.
Gawas sa mga propaganda nga magdaut sa ilang katungdanan, di malikayan nga adunay nagplano og dautan aron nga papason sa dalan alang sa tunhay nga pagdaug.
Mahimo sab nga gamiton ang kampanya batok druga sa kagamhanan nga maoy hinungdan kon dunay mahitabo kanila.
Niadtong milabay nga adlaw, laing mayor sa Libungan, North Cotabato nga si Christopher “Amping” Cuan ang gisulayan og patay pinaagi sa pagpusil.
Maayo na lang kay nakalikay siya ug naluwas sa maong pagpangatake. Apan usa ka janitor sa lokal nga kagamhanan ang nasamdan sa maong hitabo.
Di lang kini maoy unang higayon nga usa ka lokal nga opisyal ang gisulayan og patay. Gani duna pay daghan, nga nadisgrasya gyud bisan mga barangay opisyal giatngan og gipatay.
Kini kasagaran ang mahitabong senaryo samtang magkaduol ang eleksiyon, ilabi na gyud sa mga hilit nga lugar. Gituohan nga kabahin kini sa tulo ka “G” sa politika sa Pilipinas nga mao ang “guns, goons, and gold” nga naghulagway sa kasamok ug pagbayad sa botante atol sa kampanya sa bugnong lugaynon.
Tinguhaon nato ang malinawon ug luwas nga bugnong lugaynon nga mahitabo tulo ka bulan gikan karon.
Pangandaman nato karon pa lang daan ang mahitabong electoral reform alang sa kaugmaon sa atong nasud.