SUPERBALITA CEBU

Kapin sa 1K ka Oponganon midawat og suhol sa Dole

Moabot sa 907 ka mga trabahante sa bugtong distrito sa dakbayan sa Lapu-Lapu ang nakadawat sa ilang ayuda gikan sa gobyerno pinaagi sa Tulong Pangkabuhayan Sa Ating Displaced Workers (TUPAD) program sa Department of Labor And Employment (Dole) 7.

Gigahinan kini ni Kongresista Paz Radaza og moabot sa P3.8 milyunes, matod sa Dole 7.

Sa 907 ka benepisyaryo, 87 niini ang taga Brgy. Looc, 198 sa Brgy. Mactan, 123 sa Brgy. Poblacion, 110 sa Brgy. Marigondon, 300 sa Brgy. Pajac ug 89 sa Brgy. Tungasan sa isla sa Olango.

Ang tanang benepisyaryo nakadawat og tag P4,040 sulod sa 10 ka adlaw nga pagtrabaho base sa minimum wage nga P404.

Gipahigayon ang pagpang apud-apod sa mga benepisyaryo sa mga covered court sa barangay aron siguradong matuman ang minimum health protocol.

Gipasalamatan sa kongresista ang Dole 7 sa padayong paghatag sa paspas ug sayon nga benepisyo sa liboan ka mga Oponganon pinaagi sa pagtambayayong sa iyang buhatan.

Gipahinumdoman usab ni Radaza ang mga Oponganon nga magparehistro ug magpabakuna alang sa ilang kaluwasan batok sa coronavirus disease (Covid-19) ug sa ubang tawo.

Mas maayo nga magsul-ob og face mask, face shield ug padayong mag-obserbar sa physical ug social distancing bisan kon nabakunahan na. (GCM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph