P17M gihatag sa 'naapiking sektor' sa Bohol

Di mominos sa P17,763,000 ang kinatibuk-ang naapu-apod nga hinabang sa Department of Social Welfare and Development (DSWD) Field Office 7 pinaagi sa iyang programa sa Assistance to Individuals in Crisis Situation (AICS) ngadto sa 5,921 ka indigent beneficiaries nga nakadawat ang matag usa og P3,000 hangtod Agusto 21.

Ang DSWD pinaagi nila ni Assistant Secretary for Visayas Affairs Victor Juan Neri ug DSWD Field Office 7 Regional Director Rebecca P. Geamala mao ang nangulo sa paghatag gikan sa AICS sa vulnerable o naapiking sektor.

Nakadawat og financial aids mao ang mamaligyaay sa Tagbilaran City ug persons with disabilities (PWD) gikan sa lungsod sa Maribojoc, Loon, Baclayon, Loboc ug Catigbian.

Gawas sa PWDs, ang displaced workers o nawad-an og trabaho, solo parents, indigent families ug individuals gikan sa mga lungsod sa Calape, Antequera, Batuan, Duero, Anda, Dauis, Danao ug Sikatuna nakadawat usab sa susamang hinabang.

Nakadawat usab ang mga biktima sa miaging bagyong ‘Dante’ gikan sa mga lungsod sa Candijay ug Loay ug ang mga nawad-an og trabaho tungod sa pag-ubos sa turismo tungod sa uwarentina.

Si Liliosa Alcala, usa ka senior citizen gikan sa La Salinas, Loay, mapasalamaton sa DSWD tungod sa hinabang.

“Gamiton ni nako para palit pagkaon ug tambal,” matod ni Alcala.

Ang AICS kabahin sa programa sa DSWD sa pagpanalipod sa mga kabus, marginalized ug vulnerable o disadvantaged individuals. (PR)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph