Covid-19 sa CV misutoy

Covid-19 sa CV misutoy. (File photo)
Covid-19 sa CV misutoy. (File photo)

Paspas niambak ngadto sa 17,058 ka mga aktibong kaso sa coronavirus disease 2019 (Covid-19) sa tibuok Central Visayas niadtong Sabado, Agusto 21, gikan sa 16,413 niadtong Biyernes, Agusto 20.

Kini human ang Department of Health (DOH) 7 nitaho nga 1,150 ang nakompirmar nga kaso sa Covid-19 gikan sa 4,573 samples tested sa 14 ka laboratories sa rehiyon niadtong Sabado, Agusto 21.

Ang 1,150 ka mga kompirmadong bag-ong kaso gikan sa Cebu Province, 481; Cebu City, 282; Bohol, 189; Lapu-Lapu City, 80; Mandaue City, 79; Negros Oriental, 37; ug Siquijor, duha.

Ang kinatibuk-ang namatay nikabat na sa 23 ka mga tawo uban sa nadugang niadtong Sabado nga 18 sa Agusto ug lima sa Hulyo.

Hinuon, gawas sa mga kompirmadong kaso ug namatay, dunay nadugang nga 488 ka mga tawo sa listahan sa naayo niadtong Sabado, 165 dugang naayo gikan sa Cebu City; 163 sa Cebu Province; 88 sa Lapu-Lapu City; ug 72 sa Mandaue City.

Si Dr. Jaime Bernadas, director sa DOH 7, nagkanayon nga niadtong Huwebes, Agusto 19, nga bisan ang kaso sa Covid-19 sa rehiyon nisaka apan dunay maayong sinyales human nagkaminos ang naglinya sa mga ospital sa rehiyon. Apan wala siya motumbok sa tukmang gidaghanon sa pagminos sa linya.

Base sa critical care utilization rate (CCUR) report sa DOH 7 sa Agusto 20, ang combined intensive care unit Covid bed sa rehiyon naa sa level sa 1, 2 ug 3 hospitals naa sa 261.

Niini, 201 o 77 percent ang occupied base sa data niadtong Biyernes, Agusto 20. Samtang, ang 977 allocated Covid-19 ward beds gikan sa infirmaries ug hospitals sa Central Visayas, dunay 668 o 68 percent nga kasamtangang gigamit.

Gikonsiderar nga “safe level” kon ang CCUR naa sa 60 percent, sumala sa DOH.

Ang infirmaries, level 1, 2, ug 3 hospitals sa rehiyon nigahin sa kinatibuk-an nga 1,573 isolation beds diin 946 niini o 60 percent, ang kasamtangang gigamit.

Si Dr. Gerardo Aquino, hepe sa Vicente Sotto Memorial Medical Center (VSMMC), nagkanayon nga ang ospital nagplano sa pagdugang og 105 beds sa kasamtangang 206 beds alang sa Covid-19 patients.

Ang pagpalapad sa hospital bed capacity ug pagtukod sa modified temporary treatment and monitoring facilities (TTMFs) gituki sa coordination meeting nga giorganisar sa Office of the Presidential Assistant for the Visayas uban sa DOH 7, Inter-Agency Task Force for the Management of Emerging Infectious Diseases, ug ubang concerned agencies.

Matod ni Aquino, ang mga doktor ug nurses ipangdestino sa modified Department of Public Works and Highways’ TTMF diin dunay iyang laboratory equipment, apan walay intensive care unit (ICU).

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph