MATI CITY, Davao Oriental -- Aron nga mas maakomodar pa ug dunay maayong kabutangan sa mga mga nagpositibo sa Covid-19 sa Davao Oriental, gidugangan ang mga quarantine facility sa probinsiya.
Ning bag-o lang, giablihan ang extension quarantine facility sa Davao Oriental Provincial Medical Center sa Davao Oriental Regional Science High School sa Mati City.
Sa impormasyon, nasayran nga anaa sa 40 ka mga pasyente sa Covid-19 ang maakomodar sa unom ka mga lawak diin ang tulo niini ang female wards, duha ang male wards ug usa ka nurse station ug duna sa'y mga modular tents sulod sa school compound.
Nagtuo ang lokal nga kagamhanan nga makatabang kini labi na nga padayon nga gataas ang kaso Covid-19 sa siyudad sa Mati. (Jeepy P. Compio)