Alapag nagkaduol na sa iyang NBA dream

NAGKADUOL na si Philippine Basketball Association (PBA) legend Fil-Am Jimmy Alapag sa iyang pangandoy nga mahimong coach sa National Basketball Association (PBA) human siya napiling assistant coach sa Sacramento Kings sa G League.

Niini, opisyal nang nakig-uban si Alapag ni kanhi NBA player Bobby Jackson sa coaching staff sa puwersa sa Kings alang sa developmental league sa NBA.

Nakuha ni Alapag ang maong posisyon human niya natabangan paggiya ang Kings aron malabni ang kampiyunato sa bag-uhay lang nahuman nga NBA Summer League.

Si Alapag, kinsa nahimong PBA MVP niadtong 2011, aduna na sab taastaas nga kasinatian sa paggiya og basketball squad gumikan kay nahimo na siyang assistant coach sa San Miguel team sa Asean Basletball League.

Sa ABL gihapon, nahimo siyang headcoach sa Alab Pilipinas nga iyang naagak ngadto sa kampyunato niadtong 2018.

Ang gitawag og Mighty Mouse, nga usa sa labing maayong pointguards nga nakaduwa sa PBA, nipadayag nang daan sa iyang pangandoy nga maka-coach sa NBA human siya nakadesisyon nga mobalik na’g puyo sa Amerika sa miaging tuig. (ESL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph