KAHINAM nga makita ang ilang mga minahal sa kinabuhi sud sa dugay mga katuigan maoy mipatigbabaw sa kasingkasing sa 302 ka mga overseas Filipino workers (OFWs) uban sa ilang mga dependents sa ilang paghiabot sa Davao International Airport Miyerkules sa hapon, Agosto 25.
Sa impormasyon gikan sa Davao City Tourism Office, pinaagi ni Tourism head Generose Tecson, nga moihap sa 302 ka mga OFW ug 23 ka mga non-OWFs ang miabot sakay sa Philippine Airlines Flight PR8625 gikan sa Abu Dhabi sa United Arab Emirates (UAE).
Nasayran nga dalhon sila diretso sa isolation facility alang sa quarantine sulod sa katorse ka adlaw ug ipaubos sa swab test sa Agosto 31.
Sa maong ihap, siyam niini ang nabakunahan sa ilang first shots kontra Covid-19 samtang ang 227 fully-vaccinated na gamit ang Sinopharm ug Pfizer.
Ang tanang pasahero naka-swab test 48 hours una sila gipasakay sa eroplano pauli sa Davao City.
Kini ang laing hugna sa pagpapauli sa mg OFW nga usa sa mga kabahin sa programa sa gobyerno niining pandemya. (Jeepy P. Compio)