MOABOT sa 50,310 ka doses sa Pfizer BioNTech Covid-19 vaccine ang niabot sa Davao International Airport niadtong Huwebes, Agosto 26, 2021.
Gilaraw nga gamiton ang dugang Pfizer nga bakuna nga niabot sa kadtong wala pa nabakunahan ug kadtong naka-schedule na sa unang dose.
Luwan ang libuan ka doses sa Pfizer nga sa bakuna sa flight PR1811 sa Philippine Airlines nga nitugpa sa tugpahanan alas 7:29 Huwebes sa buntag.
Gidiretso dayon sa cold storage facility sa Department of Health Davao ang mga bakuna aron di kini madaut.
Sa kasamtangan, anaa na sa 2,352,370 doses sa Covid-19 vaccine ang nadawat sa DOH Davao Region.
Niabot na sab sa 1.3 milyon ka doses sa bakuna ang nagamit na lukop Davao Region.
Padayong gi-awhag sa DOH-Davao ang publiko nga magpalista na sa ilang tagsa-tagsa ka mga lokal mga kagamhanan alang sa schedule sa pagpabakuna.