SECTIONS
Superbalita Cebu
Saturday, December 04, 2021
SUPERBALITA CEBU

Nadela: Pagbatok sa osteoporosis

Asoy Ni

HAPIT na mobukas ang klase sa public school alang sa bag-ong tuig nga tingtungha. Kinsay magtuo nga makalahutay ang tanan sa bag-o pa lang nga natapos nga school year. Di ba nagsugod man ta Oktubre 2020 ug natapos sa niaging Hulyo.

Ang akong anak nga na-enroll sa National Public High School, maingon tang punga nga naka kapyot gyud aron makarga saxlistahan sa mga bag-o nga na-enroll.

Sa pagsugod sa Grade sa niaging tuig naka on line ang akong anak sa usa ka state state university Wala lang sab damha nga tungod sa kadaginuton sa signal sa iyang online class, nakahukom.ming ginikanan nga ibalhin sa public school diin naka-module ang klase. Sud sa usa ka school year way problema nga nasugatan. Gawas lamang niining pipila ka obserbasyon.

Ako mismo nakakita kung giunsa sa ginikanan ang pag-inat ang iyang budget aron lang masustentohan ang ang mga project sa iyang anak. Maayo lage og ang nag-eskwela, usa o duha. Unya kay ang uban dunay 3 sa elementarya unya duna pay upat sa high school. Ang projects nga gipangayo nagtumpi.

Atong obligasyon ang pagpaeskwela sa atong mga anak. Way supak. Pero ning panahon sa pandemya, manghangyo daw ta og ayuda para sa atong mga anak.

Sukadsukad wa ko kadungog nha ang DepEd nag apod apod og ayuda alang sa ilang mga tinun-an. Wa sab ko ka dungog nga ilang giduaw ang ilang estudyante sa ilang mga balay. Kini unta nga paagi makapakalma sa mga kahingawa nga gibati sa mga bata.

Kung nakahinumdum mo sa Abril 2020, ang mga magtutudlo sa Bulawan National High School nga nahimutang sa Barangay Bulawan, Lapuyan, Zamboanga del Sur nagtampo tampo og namalit og bugas, sardinas, noodles og ubang makaon og gihatod nila sa ilang mga tinun-an sa bukid. Kung wa ko masayop sila si Madam Janet Lingating Jumouad ug Madam Charlottee Lantig Fiel maoy nagpasiugda niini unya gihangop og suportado sa ilang mga kaubang faculty.

Palihug pahibaw-a ko DepEd Region 7 kong nakapasiugda ba sab ta og ayuda para sa atong mga tinun-an. Balikon nako nagkinahanglan intawon og ayuda ang mga bata. Asay maayo og sugdan na nato karon.

Sa nakalabay nga pipila ka adlaw, wa magtuno ang atong paminsar ug gibati sa panglawas. Kini tungod sa wa damha nga pagpanghasol ning balatian, nha gitawag og pasmo. Kini hinuon nga matang sa balatian komon kaayo alang nako nga kanunay nga maabtan og gutom diha sa dalan tungod ning atong trabaho.

Salamat sa akong kauban sa ABS CBN kaniadto nga si Pare Mel Tubid, bisan sa ka daghan sa mga pasyente sa iyang misis nga si Kumare Dra. Jovelyn Enriquez-Tubid sa iyang clinic diha sa Barangay Inayawan naasikaso tawon ang luya nakong lawas. Kini si Pare Mel kauban pa ni nako kaniadto sa hinakotay sa relief goods human sa bagyong 'Ruping.'


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!