Aron kapanalipdan ang mga abogado sa ilang pagpangabogar, si Deputy House Speaker Pablo John Garcia niduso sa House Bill 9882 kun “Protecting the Practice of Law Act” sa Ubos Balay Balauranan sa Hulyo 2021.
Si Garcia, kinsa nagrepresentar sa third legislative district sa Sugbo, niingon nga ang balaudnon moumol sa Council for the Protection of Lawyers nga maoy mo “coordinate and oversee” sa nagkadaiyang mga lakang sa kagamhanan sa pagpanalipod sa mga abogado sa paghimo sa ilang mga gimbuhaton.
Ang balaudnon naghatag usab og lapad nga listahan sa mga buhat nga idili batok sa mga abogado ug gipasinuntan sa bug-at nga mga silot.
Matod niya nga ang Council, National Bureau of Investigation, Philippine National Police,ug Integrated Bar of the Philippines (IBP) dunay iyang kaugalingon nga mga sumbanan ug responsibilidad ubos sa balaudnon. (WBS)