Nag-abli na sad og laing vaccination site ang dakbayan sa Sugbo, pinaagi sa Cebu City Vaccine Advisory Board, sa Tisa II Elementary School sa Barangay Tisa sa Agusto 28, 2021.
Mao kini ang ikasiyam nga vaccination site sa dakbayan.
Tinguha sa Board nga makapamakuna og 1,000 ka indibidwal sa matag vaccination site sa usa ka adlaw.
Sa mga niagi nga pamahayag, si Cebu City Vice Mayor Michael Rama, convener sa coronavirus disease 2019 (Covid-19) vaccination program sa dakbayan, niingon nga target nila nga mag-abli og 21 ka mga vaccination site.
Ang laing vaccination site sa Dakbayan anaa nahimutang sa University of Cebu (UC) Banilad, Robinsons Galleria, SM Seaside City, UC Senior High School Private Campus, New Normal Oasis for Adaptation and a Home (Noah) Complex, Ayala Center Cebu, Waterfront Hotel, ug sa SM City Cebu.
Sa Agusto 28, aduna nay 319,371 ka doses sa bakuna ang na-administer sa dakbayan.
Base sa data nga gihatag ni City Management Information and Computer Services (MICS) officer-in-charge Richter CastaƱares, ang Dakbayan nakapamakuna na sa 193,521 ka indibidwal alang sa first dose ug 125,850 para sa second dose.
Priority Code First dose Second dose
A1/Medical workers-11,536 9,581
A2/Senior citizens-28,841 41,696
A3/persons with comorbidities- 46,751 32,866
A4/economic workers 62,724- 26,609
A5/indigent population 11,417 2,835
Others (wa mobutang sa ilang categories) 32,252 12,263. (JJL)