SECTIONS
Superbalita Cebu
Wednesday, October 27, 2021
SUPERBALITA CEBU

Parks andam mobalik sa Gilas

GITATAW ni Fil-Am Bobby Ray Parks Jr. nga bisan asa man siya mapadpad sa iyang pagka-basketbolista, kanunay siyang andam mobalik pagduwa sa Gilas Pilipinas kon gikinahanglan sa national team ang iyang serbisyo.

Si Parks gituohang dugay-dugay pa makabalik pagduwa sa Pilipinas human sa iyang pagpirma og kontrata sa Nagoya Diamond Dolphins sa Japan basketball League.

Anaa na siya sa Japan ug kasamtangang naghikay sa iyang quarantine requirements sa dili pa siya makig-uban sa Dolphins.

“As long as my team permits, when the window is open, I would love to represent my country, and my heart, like I said, will always be in the right place,” asoy ni Parks sa interbyu sa “Power and Play” nga napatik sa Spin.ph.

“I know I’m Filipino, I know I’m true to my culture, I’m true to my country.”

Si Parks, kinsa anak ni kanhi Philippine Basketball Association (PBA) 7-time Best Import Bobby Parks Sr., katapusang niduwa sa Gilas niadto pang 2017 diin natabangan niya ang team nga makaangkon og gold medal sa Southeast Asian Games.

Gipasabot ni Parks nga kasamtangan siyang nagtutok sa iyang kampanya sa JBL.

“Right now, I have to just focus and hone in on the stuff that I’m doing here,” asoy ni Parks, kinsa mibiya sa iyang team sa PBA nga Talk N’ Text KaTropa aron manimpalad sa Japan. (ESL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!